Məsələn, ABŞ-nin Beynəlxalq Respublikaçılar İnstitutu (İRİ) tərəfindən ölkədə aparılan sorğuya qatılmış respondentlərin əksəriyyəti ölkənin düzgün istiqamətdə irəlilədiyinə inandığını deyib. Yerli medianın məlumatına görə, “Ermənistan düzgün, yoxsa səhv istiqamətdə irəliləyir” sualına rəyi soruşulanların 61 faizi düzgün istiqamətdə irəlilədiyini, 28 faizi isə səhv istiqamətdə getdiyinə inandığını deyib. 11 faiz cavab verməkdə çətinlik çəkib.

Şübhəsiz, bu, ilk növbədə Rusiya üçün pis nəticədir. Çünki Baş nazir Nikol Paşinyanın xarici siyasət kursu bəllidir: bu, Rusiyayönlü kurs sayılmaz. Belə çıxır, Moskvanın iqtisadi xarakterli təzyiqləri də erməni əhalini qorxutmayıb.

Odur ki, sual yaranır: bu o anlama gəlirmi ki, qarşıdakı seçkilərdə hakim partiya rahatca 50+1 faizlə qalib gəlib hökuməti yenə təkbaşına formalaşdıracaq və ardınca ölkədə konstitusiya dəyişikliyi də reallaşmaqla, nəhayət, Azərbaycanla sülh müqaviləsi imzalanacaq?

Deputat Elşad Musayevin sözlərinə görə, seçkilər ərəfəsində müxtəlif sorğular keçirilir və fərqli nəticələr açıqlanır. Ötən həftə “Gallup”un keçirdiyi sorğunun nəticələrini də yada salan deputat hesab edir ki, ümumilikdə favorit Paşinyan və onun partiyasıdır: “Bu sorğu isə erməni cəmiyyətinin əhvalını ifadə edir. 44 günlük müharibədən sonra ermənilər Rusiyaya nifrət etməyə başlayıblar. Onlar bu döyüşlərdə də rusların hərbi müdaxiləsinə bel bağlamışdı. Ona görə sorğunun nəticələrini ermənilərin Rusiyadan uzaqlaşmaq istəyinin təzahürü kimi qiymətləndirmək lazımdır. Əgər sorğu obyektiv keçirilibsə, çünki əsasən belə sorğular subyektiv olur – onda ermənilərin hansı istiqaməti seçdiyi göz qabağındadır”.

E.Musayevin fikrincə, ermənilər Paşinyanla yola davam etmək istəyir və bu da Moskvanı qəzəbləndirir: “Baş nazir dedi ki, iki ilə Avropa İttifaqı ilə viza rejimi ləğv olunacaq. Bu, ermənilər üçün böyük bazarın, iş yerinin açılmasıdır. Regionda gürcülərdən sonra ermənilər üçün bu prosesə start verilib. Məqsəd Rusiyanın bölgədə təsirlərini azalda bilməkdir. O səbəbdən də Volodin, Medvedev, Zaxarova və başqaları Paşinyanı təhqir edir, qəzəbli reaksiyalar verirlər. Yəni 7 iyun seçkiləri gərgin, sonrası toqquşmalarla yadda qala bilər. Amma Paşinyan məhz bu sorğunun nəticələrinə adekvat şəkildə siyasətini davam etdirəcək”.

Qəbul zamanı müraciət və təkliflər dinlənilib, bəzi məsələlər yerində öz həllini tapıb, digər müraciətlər qanunamüvafiq qaydada həll olunması üçün nəzarətə götürülüb.

BAP Mətbuat Xidməti

Bu sözləri Yenicag.az-a açıqlamasında Milli Məclisin deputatı Elşad Musayev Bakı–Tbilisi dəmir yolu vasitəsilə sərnişindaşımanın bərpa olunması haqqında danışarkən deyib.

Deputat qeyd edib ki, bu addım respublikanın gücünün növbəti göstəricisidir:

“Azərbaycana qarşı bir çox istiqamətdən ciddi təhlükələr olmasına baxmayaraq, bu qərar ölkəmizin bir dövlət kimi hər tərəfli qorunmasının göstəricisidir. Azərbaycan hərbi baxımdan kifayət qədər qorunur, müvafiq qurumlarımız bu sahədə çox uğurlu fəaliyyət göstərirlər. Heç şübhəsiz ki, ildən-ilə Azərbaycanın mövqeyi daha da güclənir. Ona görə də düşünürəm ki, sərhədlərin açılması üçün bu, ilk addımdır. Hesab edirəm ki, bundan sonrakı mərhələdə digər quru sərhədlərimizin də açılmasının şahidi olacağıq.”

E. Musayev vurğulayıb ki, bu qərar həm də Azərbaycan iqtisadiyyatı və turizminin inkişafına böyük töhfə verəcək:

“Qeyd etmək yerinə düşər ki, bu addım Azərbaycan iqtisadiyyatına böyük töhfə verəcək. Həm iqtisadiyyatımıza, həm də turizmin inkişafına yaşıl işıq yandırılmış oldu. Eyni zamanda nəzərə alaq ki, Gürcüstanda bizim yarım milyona yaxın soydaşımız yaşayır. Onların da xeyli çətinlikləri var idi, gedib-gəlmək onlara çox baha başa gəlirdi. Bu baxımdan Gürcüstanda yaşayan soydaşlarımız üçün də bu addımın əhəmiyyəti olduqca böyükdür. Hazırda Azərbaycanın quru sərhədlərini açmaq üçün ən çox ehtiyacı olduğu istiqamət məhz Gürcüstan sərhədi idi. Cənab Prezidentin bu qərarı növbəti mərhələnin müjdəçisidir.”

O deyib ki, Ermənistanda keçiriləcək parlament seçkilərindən sonra konstitusiya dəyişiklikləri yolu ilə Ermənistan Konstitusiyasının Azərbaycana qarşı ərazi iddialarını aradan qaldıracağı gözlənilir. R.Məmmədovun sözlərinə görə, Azərbaycanla Ermənistan arasında əvvəllər ABŞ-də razılaşdırılmış sülh müqaviləsi imzalanacaq. Azərbaycanlı diplomat deyib ki, bu proses başa çatdıqdan sonra Ermənistan-Türkiyə və Ermənistan-Azərbaycan sərhədləri də açılacaq.

Bəs payıza qədər gözlənti gerçəkləşə bilərmi, yoxsa ilin sonuna qalacaq?

Deputat Elşad Musayev Musavat.com-a bildirib ki, səfirin də təsdiqlədiyi kimi, Ermənistan referenduma getməli və yeni konstitusiya mətin qəbul edilməlidir: “Paşinyan son çıxışında Qarabağı, Naxçıvanı, Muşu və digər əraziləri unutmağa çağırdı. Baş nazir qeyd etdi ki, ermənilərin sonuncu vətəni Ermənistandır. Bununla demək istədi ki, başqasının torpağına göz dikməyin, əks halda, transit məntəqəsinə çevriləcəyik. Ona görə də seçkilərdən sonra referendum keçiriləcək və ərazi iddiaları yeni konstitusiya mətnində yer almayacaq. Beləliklə, böyük tarixi münaqişə səhifəsi tam qapadılacaq. Ermənilər konstitusiyaya dəyişiklik etməsələr, onları həmişə fəlakət, konflikt və Rusiyanın təsiri altında qalmaq gözləyir. Bu baxımdan, payızda referendum, ilin sonu isə yekun sülh sənədi gözləyirəm”.

Deputat qeyd edib ki, Paşinyan seçkilərdə qələbəni təmin etməlidir, sonra əlini gücləndirərək referenduma getməlidir: “Azərbaycan da ona möhlət verib və sonuncu “ev tapşırığı”nı yerinə yetirməsini gözləməkdədir. Paşinyanın tutduğu mövqe belə deməyə əsas verir ki, sülh gündəliyini məntiqi finala çatdırmaqda həvəslidir. Sadəcə, rəqiblərini və revanşist elektoratı sakitləşdirmək, əzmini qırmaq məcburiyyətindədir. Onun təlqin etdiyi fikirlər də erməni cəmiyyətinə sülh vəd edir. Əgər ermənilər Paşinyanın siyasi kursunu bəyənmirsə, deməli, qan-qada istəyirlər. Bu, onlar üçün növbəti fəlakət deməkdir. Amma Paşinyanın seçki kampaniyası zamanı onu ittiham edən vətəndaşların sayca çox olmadığını düşünürəm. Onlar çox olsaydı böyük mitinqlər keçirilərdi. Biz tək-tük adamların onunla belə danışdığını görürük. O baxımdan, ermənilərin yeni konstitusiya mətnini dəstəkləməsi mümkündür. Çünki burada təkcə ərazi iddiaları mövzusu deyil, qanunvericilikdə bir sıra dəyişikliklər nəzərdə tutulub. Biz hər şeyi Qarabağla əlaqələndirə də bilmərik. Hər bir halda səfirin də sözlərindən aydın olur ki, ilin sonuna qədər tarixi yekun sülh müqaviləsinin imzalanması istisna deyil”.

E.Musayev hesab edir ki, sülh prosesi bölgəyə inkişaf gətirəcək: “Artıq bunun əıamətləri gö qabağındadır. İki ölkə arasında yükdaşımalar həyata keçirilir, Azərbaycanın neft məhsulları, Rusiyanın taxıl və gübrəsi Ermənistana daşınır. Həmçinin Türkiyə ilə Ermənistan ticarəti bərpa edib. Paşinya bu nəticələri erməni xalqına uğur kimi təqdim edir. Və əvvəlki hakimiyyətlərin dövründə ermənilərin hansı şəraitdə yaşadığını göstərir, müqayisə yarada bilir. Bu mənada, ermənilər sərhədlərin açılmasından fayda götürəcəklərini bilməlidirlər”.

Qəbul zamanı müraciət və təkliflər dinlənilib, bəzi məsələlər yerində öz həllini tapıb, digər müraciətlər qanunamüvafiq qaydada həll olunması üçün nəzarətə götürülüb.

BAP Mətbuat Xidməti

BAP Mətbuat Xidməri

Xatırladaq ki, Avropa İttifaqının Ermənistandakı missiyası Aİ Şurasının 2023-cü il 20 fevral tarixli qərarı ilə yaradılıb və fəaliyyətə başlayıb. 30 yanvar 2025-ci ildə Aİ Şurası missiyanın mandatını 2027-ci il fevralın 19-na qədər uzatmaq barədə qərar qəbul edib. Aprelin 21-də isə Aİ ölkələrinin səfirləri Brüsseldə Ermənistana yeni mülki missiyanın göndərilməsi barədə qərar qəbul ediblər. Rəsmi Bakı dəfələrlə vurğulayıb ki, Avropa İttifaqının Ermənistandakı missiyası neytral vasitəçi olmaq əvəzinə, regionda geosiyasi təsir alətinə çevrilib.

Avropa İttifaqının Ermənistandakı mülki missiyası sadəcə bir müşahidəçi heyəti deyil, əslində Qərbin Cənubi Qafqazda destabilizasiya və geosiyasi manipulyasiya üçün yaratdığı alətdir. Rəsmi bəyanatlarda bu missiyanın məqsədinin “sərhəd insidentlərinin qarşısını almaq” olduğu iddia edilsə də, reallıq tam fərqlidir: missiya Ermənistanın siyasi və hərbi maraqlarını dəstəkləmək, Azərbaycana qarşı təzyiq mexanizmi yaratmaq, Rusiya, Türkiyə və İran əleyhinə kəşfiyyat fəaliyyətləri aparmaq üçün istifadə olunur. EUMA öz fəaliyyəti boyunca sərhəd insidentlərinin qarşısını almaq bir yana, əksinə, bölgədəki gərginliyi artıran və sülh prosesini sabotaj edən struktur kimi çıxış edib.

Bu missiya əvvəlcə Ermənistanın şərq və cənub-qərb sərhədlərində fəaliyyət göstərmək üçün nəzərdə tutulmuşdu, lakin “müşahidəçilər” dəfələrlə Azərbaycanla sərhəddən xeyli uzaqda, hətta Rusiya hərbi bazası yerləşən Gümrüdə və Ermənistan-Türkiyə sərhədi boyunca peyda olublar. Bu, Avropa İttifaqının Ermənistan ərazisində apardığı casusluq fəaliyyətlərinin açıq göstəricisidir.

Prezidentin bu xəbərdarlığının arxasında nələr dayanır?

Deputat Elşad Musayevin “Yeni Müsavat”a bildirdiyinə görə, Aİ regionda bu hərəkətləri ilə sülhə töhfə vermir, əksinə, gərginliyi artırır. Onun fikrincə, bu missiyanın yerləşməsində məqsədlərdən biri Rusiyanın olduğu Ermənistanda Qərbin təsirini gücləndirmək olsa da, bunun özü də regiona əlavə gərginlik qazandırır. Deputat hesab edir ki, Aİ Azərbaycanla Ermənistan arasında əldə olunan sülhün pozulmasında maraqlı olmamalıdır: “Çünki onun bölgədəki rəqibi Rusiya bu vəziyyətdən istifadə etməyə çalışacaq. Bu baxımdan, cənab prezidentin sərt xəbərdarlığı yerindədir. Dövlət başçısı demək istəyir ki, hər hansı təxribat olacaqsa, Azərbaycanın cavabı da ağır olacaq. Eyni zamanda prezident açıq surətdə bəyan edir ki, bu missiyanın işi saxtakarlıqdır. Çünki bölgədə hərbi vəziyyət yoxdur. Əgər eskalasiya baş vermirsə, avropalılar nəyi müşahidə edirlər? Ona görə də Qərbin Rusiya ilə bağlı hansı planları varsa, bunu Azərbaycan üzərindən və ya bölgədə sülhü pozan addımlar atmaqla həyata keçirməməlidirlər”.

E.Musayevin sözlərinə görə, Aİ bu addımları ilə Azərbaycanı narazı salır və əməkdaşlığa xələl gətirir: “Ermənistan işğala məruz qalmayıb, ərazisinə bir güllə də düşməyib. Onda sərhədə bu qüvvələr niyə göndərilir? Sanki Ermənistana təhdid var və sıxışdırılır. Halbuki Azərbaycandan Ermənistana neft məhsulları, taxıl, gübrə gedir. Ona görə də Qərbin yaratdığı saxta mənzərə beynəlxalq rəy formalaşdırmağa hesablanıb”.

BAP Mətbuat Xidməti

“Düz 23 il bundan əvvəl “Böyük Azərbaycana doğru…” şüarı ilə heç bir xarici və daxili qüvvəyə söykənmədən Böyük Azərbaycan Partiyasının birinci qurultayını keçirdik. İlk gündən bizim üçün xalqımızın, Azərbaycanın dövlət və milli maraqlarının hər şeydən uca olduğunu bildirdik və üzücü ağır marafona çıxdıq.

Nəticədə BAP-ı ölkənin parlament partiyasına çevirməyi bacardıq.

Yolumuz yenə Böyük Azərbaycana doğrudur…”

BAP Mətbuat Xidməti

Dəyişikliyə əsasən, işəgötürən eyni və ya bərabər dəyərli müxtəlif işi yerinə yetirən işçilərə bərabər əməkhaqqının verilməsini təmin etməli olacaq.

Milli Məclisin Əmək və sosial siyasət komitəsinin sədr müavini, deputat Elşad Musayev bildirib ki, bu məsələ Azərbaycan əmək qanunvericiliyində artıq əvvəlcədən öz əksini tapıb:

“Əmək Məcəlləsinin 16-cı maddəsində əmək münasibətlərində ayrı-seçkiliyin yolverilməzliyi açıq şəkildə təsbit olunub. Yəni kişi və qadınlar arasında əmək hüquqları baxımından hər hansı fərq qoyulması qanunla qadağandır.

Eyni zamanda, Azərbaycan Beynəlxalq Əmək Təşkilatı-nın konvensiyalarına qoşulub və bu çərçivədə gender bərabərliyi, o cümlədən əmək münasibətlərində bərabər imkanların təmin olunması istiqamətində müəyyən öhdəliklər götürüb. Bu konvensiyalar da eyni işi görən kişi və qadınların bərabər əməkhaqqı almasını əsas prinsip kimi müəyyən edir.

Praktikaya gəldikdə isə, müxtəlif ölkələrdə orta aylıq əməkhaqqı səviyyələri fərqlidir. Azərbaycanda qadınların orta aylıq əməkhaqqı kişilərlə müqayisədə təxminən 60–70 faiz təşkil edir. Bu isə təxminən 28–32 faiz fərq deməkdir. Dünya üzrə bu fərq orta hesabla 20 faiz civarındadır, Skandinaviya ölkələrində isə təxminən 10 faiz səviyyəsindədir.

Bu baxımdan, Azərbaycan bəzi göstəricilərdə dünya ortalamasından geri qalmır, bəzi hallarda isə müəyyən ölkələri qabaqlayır. İnkişaf etmiş ölkələrdə belə bu fərq adətən 20–25 faiz civarında dəyişir.

Nəticə etibarilə, eyni işi görən kişi və qadınların eyni əməkhaqqı alması prinsipi artıq həm milli qanunvericilikdə, həm də beynəlxalq öhdəliklərdə təsbit olunub. Son dəyişikliklər isə daha çox bu mexanizmlərin gücləndirilməsinə və tətbiqinin təkmilləşdirilməsinə xidmət edir”.

BAP Mətbuat Xidməti