Deputat Elşad Musayev şəhidin anım tədbirində iştirak etdi
Böyük Azərbaycan Partiyası
Bu gün Milli Məclisin üzvü, Böyük Azərbaycan Partiyasının sədri Elşad Musayev şəhid Cavadov Ələsgər Elxan oğlunun anım tədbirində iştirak edib. Binəqədi rayonu Binəqədi qəsəbəsində keçirilən tədbirə icra və bələdiyyə nümayəndələri, şəhid ailələri və qəsəbə sakinləri qatılıb. Öncə Şəhidlər Xiyabanı ziyarət olunub, şəhidlərin məzarına gül dəstələri düzülüb.
Anım tədbirində deputat E. Musayev çıxıb edib, zəfər tariximizdən, qazi və şəhidlərimizin igidliyindən danışıb, bütün şəhidlərə Allahdan rəhmət, qazilərimizə cansağlığı diləyib.
Qeyd edək ki, şəhid Ələsgər Cavadov 29 dekabr 2000-ci ildə anadan olub.
2020-ci il sentyabrın 27-dən Vətən müharibəsində iştirak edib. Murovdağın, Cəbrayılın, Füzulinin, Xocavəndin və Şuşanın azadlığı uğrunda gedən döyüşlərdə vuruşub. Ələsgər Cavadov 9 noyabr 2020-ci ildə Şuşa istiqamətində döyüş tapşırığının yerinə yetirilməsi zamanı şəhid olub. Allah rəhmət etsin!
BAP Mətbuat Xidməti
