Elşad Musayev şəhidin anım tədbirində iştirak etdi

Bu gün Milli Məclisin deputatı, Böyük Azərbaycan Partiyasının sədri Elşad Musayev şəhid Qurbanov Mayıl Mayis oğlunun anım tədbirində iştirak edib. Binəqədi rayonu Biləcəri qəsəbəsində keçirilən tədbirdə millət vəkili çıxıb edib, zəfər tariximizdən,  qazi və şəhidlərimizin qəhrəmanlığından danışıb.

Qeyd edək ki, Mayıl Qurbanov 1996-cı il iyunun 8-i İmişli rayonunun Xoşçobanlı kəndində anadan olub. 2004-cü ildə ailəsi ilə birlikdə Bakı şəhərinə köçüb. Orta təhsilini Xanlıq kənd 1 nömrəli tam orta məktəbdə alıb. 2016-cı ildə ailə həyatı qurub. 2 qız övladı yadigar qalıb.

Mayıl Qurbanov 2020-ci il sentyabrın 27-də başlanan Vətən müharibəsi zamanı Cəbrayılın və Qubadlının azadlığı uğrunda gedən döyüşlərdə savaşıb. Noyabr ayının 3-də Qubadlı döyüşləri zamanı şəhid olub. İmişli rayonunun Xoşçobanlı kəndində dəfn edilib. Allah rəhmət etsin!

BAP Mətbuat Xidməti