BAP sədri, millət vəkili Elşad Musayev təhsil konfransında iştirak edib

01 oktyabr 2025-ci il tarixində Böyük Azərbaycan Partiyasının (BAP) sədri, Milli Məclisin deputatı Elşad Musayev Binəqədi Rayon İcra Hakimiyyətində “Konstitusiya və Suverenlik ili” çərçivəsində rayonda fəaliyyət göstərən orta ümumtəhsil müəssisələrində ötən təhsil ilinin yekunlarına və 5 Oktyabr-“Beynəlxalq Müəllim Günü”nə həsr olunmuş “Konstitusiya və Suverenlik İli: Təhsil və Gələcək Nəsillər” adlı təhsil konfransında iştirak edib.

Konfransa Binəqədi Rayon İcra Hakimiyyətinin başçısı Elxan Allahverdiyev, millət vəkilləri- Kəmaləddin Qafarov, Səbinə Xasayeva, Məlahət İbrahimqızı və rayon ictimaiyyəti qatılıb. Tədbir iştirakçıları təhsilin insan həyatındakı rolundan, dövlət səviyyəsində göstərilən diqqət və qayğıdan, təhsil sahəsində qazanılmış uğurlardan danışıblar.

Sonda təhsil safəsində uğurlu fəaliyyətə, yüksək nəticələrə görə təhsil işçiləri və gənclər Fəxri Fərman və hədiyyələrlə təltif olunublar.