“Biri çıxır televiziyaya deyir ki, filankəs yoldaşımı götürdü qaçırdı. O biri də deyir ki, bəs qayıtsa, bağışlamağa hazırsan? Deyir, hazıram, təki qayıtsın. Hamı da əl çalır… Bu, nədir belə?”

Bapaz.az xəbər verir ki, bu sözləri Böyük Azərbaycan Partiyasının sədri, Milli Məclisin deputatı Elşad Musayev Prime Tv-nin efirində yayımlanan “Qırmızı Masa” verilişində bildirib.

Partiya sədri bəzi televiziya kanallarında yayımlanan bayağı verilişləri tənqid edib. Bu cür verilişlərin bir çox ailələrdə ər-arvad münasibətlərinə mənfi təsir göstərdiyini, boşanmaların artmasına təkan verdiyini vurğulayıb.