Böyük Azərbaycan Partiyasının VIII qurultayı keçirildi

Bu gün Böyük Azərbaycan Partiyasının (BAP) VIII qurultayı keçirildi. Qurultay şəhidlərimizin ruhunun bir dəqiqəlik sükutla yad edilməsi və dövlət himninin oxunması ilə başlandı.
Partiya sədri qurultayı açıq elan etdikdən sonra aşağıdakı gündəlik təsdiq olundu:
1. BAP sədrinin hesabatı.
2. BAP Mərkəzi Nəzarət – Təftiş Komissiyası sədrinin hesabatı.
3. Təşkilati məsələ
a) BAP sədrinin seçkisi
b) BAP Mərkəzi Şura üzvlərinin seçkisi
c) BAP Siyasi Şura üzvlərinin seçkisi
d) BAP Mərkəzi Nəzarət – Təftiş Komissiyasının seçkisi
4. Cari məsələlər
Qurultay nümayəndələrinin geniş müzakirəsindən sonra BAP sədrinin və BAP MNTK sədrinin hesabatları qənaətbəxş hesab olundu. Təşkilati məsələyə baxıldı:
1. Elşad Musayev Böyük Azərbaycan Partiyasının sədri seçildi.
2. 51 nəfərdən ibarət BAP Mərkəzi Şura üzvü, 9 nəfərdən ibarət BAP Siyasi Şura üzvü, 7 nəfərdən ibarət BAP MNTK üzvü seçildi.
Sonda cari məsələlər müzakirə edildikdən sonra qurultay öz işini yekunlaşdırdı.

BAP Mətbuat Xidməti