Deputat Elşad Musayev şəhidin anım tədbirinə qatıldı
Böyük Azərbaycan Partiyası
Bu gün Milli Məclisin deputatı, Böyük Azərbaycan Partiyasının sədri Elşad Musayev şəhid Cabbarov Əli Baba oğlunun anım günündə iştirak edib. Binəqədi rayonu Binəqədi qəsəbəsində keçirilən tədbirdə E. Musayev çıxıb edib, zəfər tariximizdən və şəhidlərin qəhrəmanlığından danışıb.
Qeyd edək ki, şəhid Əli Cabbarov 8 yanvar 2002-ci ildə Bakı şəhərinin Binəqədi qəsəbəsində anadan olmuşdur. 2008–2019-cu illərdə Binəqədi rayonu 182 nömrəli tam orta məktəbdə təhsil almışdır. 2019-cu ildə Bakı Humanitar Kollecinə daxil olmuşdur.
Əli Cabbarov 14 yanvar 2020-ci ildə həqiqi hərbi xidmətə çağırılmışdır.
Azərbaycan Ordusunun əsgəri olan Əli Cabbarov 27 sentyabr 2020-ci ildə Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Əli Cabbarov 27 sentyabr 2020-ci ildə Xocavənd döyüşləri zamanı şəhid olmuşdur. Allah rəhmət eləsin.
BAP Mətbuat Xidməti
